Үнгэрhэн долоон хоногой hүүл багта “Бэлиг” түбэй захиралай орлогшо Оюна Забанова болое УМК зохёон бэлдэлгын ба буряад хэлэндэ һургалгые тоо оньһожоруулгын шэнэ таһагай ахамад мэргэжэлтэн Жаргалма Цыренова хоёр Буряадай гүрэнэй радиогой агаарай долгиндо “Үндэhэн хэлэнэй үлзы хэшэг” гэhэн шан тухай хөөрэжэ үгэбэ.
Тус шанда хүртэхэ дуратай хүнүүд ба эмхи зургаанууд мэдүүлгэнүүдээ бэлдэжэ, сентябриин 26 болотор Буряад Уласай Засагай газарта тушааха болоно.
2023 ондо «Буряад хэлэндэ hургалгын эгээ эрхим дүй дүршэл” гэhэн шэглэлээр, мүн 2024 ондо “Буряад хэлэнэй оршондо оруулдаг эгээл эрхим сэсэрлиг” гэhэн шэглэлээр Улаан-Үдын “Зорька” сэсэрлигэй дансануудые бэлдэhэн буряад хэлэнэй багша Жаргалма Цыренова энэ шанда хүртэхын тулада мэдүүлгэ бэшэхэдээ, ямар юумэндэ анхаралаа хандуулхаб гэжэ тодорхойлоо.
Интервью https://vk.com/wall-228659524_410 тус хаягаар хаража, шагнажа болохо.
Хүндэтэ нүхэд, шамдагты, яарагты, мэдүүлгэнүүдээ үгэгты, түрэлхи хэлэ сахин хүгжөөлгэ дэмжэхэ зорилготойгоор Буряад Уласай толгойлогшын тогтооһон шанда хүртэгты!
