Бүмбэрсэг дэлхэйн уран зохёолой дээжэ болохо захатануудые бүтээһэн, киргиз болон ород уран зохёолой хүгжэлтэдэ сэгнэшэгүй хубитаяа оруулһан алдарта Чингиз Айтматовай бүтээл — арад зон соо аһан мэдээжэ болоһон туужа анха түрүүшынхиеэ буряад хэлэн дээрэ мүндэлөө.
«Далайн эрье зубшан гүйжэ ябадаг Алаг нохой» туужа буряадаар, ородоор барлагдажа, амяараа ном болоод, Улас түрын «Бэлиг» түбтэ нара хараа бшуу. Мэдээжэ ирагуу найрагша, Оросой Холбоото Уласай болон Буряад Уласай соёлой габьяата хүдэлмэрилэгшэ, Орос Уласай Сэдхүүлшэдэй холбооной гэшүүн Николай Шабаев энэ зохёол ород хэлэнһээ буряадшалһан байха юм.
Дэлхэйн зохёолой түүхэдэ мүнхэ һуури эзэлдэг энэ туужа оршуулһан ахатамнай уран зохёолой удхыень оноходоо бэрхэ, уянгата үгын оньһые тааха бодолтой, онсо өөрын маягтай, тэрэнээ уншагшадта дамжуулжа шадаха агуу бэлигтэй, буряад хэлэнэй баялигые гүнзэгыгөөр мэдэхэ, зүбөөр хэрэглэхэ шадабаритай хүн гээд эли тодоор дахин батадхагдаба.
Дунда һургуулиин ахамад ангинуудта буряад уран зохёол түрэл хэлэн дээрээ үзэдэг һурагшадта, ерээдүйн халаанда зорюулагдаһаншье һаа, «Далайн эрье зубшан гүйжэ ябадаг Алаг нохой» гэһэн ном бусад зондо һонирхолтой байха.
Энэ номой сахим хэбынь Буряад Уласай Болбосоролой болон эрдэм ухаанай яаманай баталһан түсэбөөр бэлдэгдээд, «Буряад Уласта буряад хэлэ сахин хүгжөөлгэ» гэһэн Гүрэнэй программада һомологдоһон мүнгөөр барлагдаа. Уласай болбосоролой эмхи зургаануудаар тараагдаха юм.
Чингиз Айтматовай суута туужа буряадаар хэблэгдээ
Бүмбэрсэг дэлхэйн уран зохёолой дээжэ болохо захатануудые бүтээһэн, киргиз болон ород уран зохёолой хүгжэлтэдэ сэгнэшэгүй хубитаяа оруулһан алдарта Чингиз Айтматовай бүтээл — арад зон соо аһан мэдээжэ болоһон туужа анха түрүүшынхиеэ буряад хэлэн дээрэ мүндэлөө.
«Далайн эрье зубшан гүйжэ ябадаг Алаг нохой» туужа буряадаар, ородоор барлагдажа, амяараа ном болоод, Улас түрын «Бэлиг» түбтэ нара хараа бшуу. Мэдээжэ ирагуу найрагша, Оросой Холбоото Уласай болон Буряад Уласай соёлой габьяата хүдэлмэрилэгшэ, Орос Уласай Сэдхүүлшэдэй холбооной гэшүүн Николай Шабаев энэ зохёол ород хэлэнһээ буряадшалһан байха юм.
Дэлхэйн зохёолой түүхэдэ мүнхэ һуури эзэлдэг энэ туужа оршуулһан ахатамнай уран зохёолой удхыень оноходоо бэрхэ, уянгата үгын оньһые тааха бодолтой, онсо өөрын маягтай, тэрэнээ уншагшадта дамжуулжа шадаха агуу бэлигтэй, буряад хэлэнэй баялигые гүнзэгыгөөр мэдэхэ, зүбөөр хэрэглэхэ шадабаритай хүн гээд эли тодоор дахин батадхагдаба.
Дунда һургуулиин ахамад ангинуудта буряад уран зохёол түрэл хэлэн дээрээ үзэдэг һурагшадта, ерээдүйн халаанда зорюулагдаһаншье һаа, «Далайн эрье зубшан гүйжэ ябадаг Алаг нохой» гэһэн ном бусад зондо һонирхолтой байха.
Энэ номой сахим хэбынь Буряад Уласай Болбосоролой болон эрдэм ухаанай яаманай баталһан түсэбөөр бэлдэгдээд, «Буряад Уласта буряад хэлэ сахин хүгжөөлгэ» гэһэн Гүрэнэй программада һомологдоһон мүнгөөр барлагдаа. Уласай болбосоролой эмхи зургаануудаар тараагдаха юм.
