Бүмбэрсэг дэлхэй дээрэ ажаhуудаг ямаршье арад өөрын хэлэтэй, ёhо заншалтай, уран зохёолтой, түүхэтэй гээшэ.
Хүн бүхэн мүн лэ түрэhэн эхэ эсэгэтэй, түрэлхи хэлэтэй, түрэл арадтай. Хүнэй ажабайдалда энэ гурбан зүйл хоорондоо таhаршагүй холбоотой.
Буряад хэлэн – эхэ эсэгымнай, элинсэг хулинсагаймнай үндэhэн хэлэн. Энэ хэлээр эртэ урда сагhаа хойшо буряад зон хоорондоо харилсажа, hанал бодолоо хубаалдажа, эбтэй эетэй ажаhуугаа. Тиимэһээ түрэл хэлэеэ шудалха, хамгаалха, дахуулжа ябаhан үенүүдтэ дамжуулха гээшэ – хүн бүхэнэй нангин уялга.
Арадаймнай сахюусан, hүлдэ, туг болодог буряад һайхан хэлэн хэтын хэтэдэ мандахань болтогой!
Хүндэтэ нютагаархид, багшанар, hурагшад, түрэлхид, түрэл буряад хэлэеэ сахин хүгжөөхэ хэрэгтэ эдэбхитэйгээр хабаадагшад, та бүгэдэниие Буряад хэлэнэй үдэрэй баяраар үнэн зүрхэнhөө амаршалнабди!
Энэ дэмбэрэлтэ үйлэ хэрэгтэ зорюулагдаһан сахим амаршалгануудаа Улас түрын «Бэлиг» түбэй мэргэжэлтэд бэлдэжэ, бэе бэеэ амаршалхыетнай, дүтынгөө зондо, түрэлхидтөө, нүхэдтөө, суг ажалтандаа бэлэглэхыетнай уряална.
Буряад хэлэнэй үдэрэй баяраар, нютагаархид!
