Доржи Банзаровай нэрэмжэтэ Буряадай гүрэнэй ехэ һургуули буряад хэлэнэй шэглэлээр дүүргэһэн залуу мэргэжэлтэдтэй уулзалгада Улас түрын «Бэлиг» түбэй захирал хабаадажа, тэдэниие амаршалаа.
Хэлэ бэшэгэй эрдэмэй доктор Лубсан Доржиевич Шагдаров ба Норпол Аюшеевич Очиров хоёрой зохёон бүридхэһэн, мүнөө сагта хоморой болоһон «Ород-буряад толи» БГУ-гай Түүхын болон хэлэ бэшэгэй дээдэ һургуулиин бүридэлдэ буряад хэлэнэй шэглэлээр һуралсалаа эрхимээр түгэсхэһэн 15 зал мэргэжэлтэдтэ Баир Балданов бэлэг болгон барюулһан байна.
— Болбосоролой болон эрдэм ухаанай яаманһаа, Улас түрын «Бэлиг» түбһөө мүнөө сагта бии байһан эгээл эрхим, дүүрэн энэ толи барюулхадаа, ерээдүйн мэргэжэлтэ ажалдатнай туһа болохо гэжэ найданабди, — гээд «Бэлигэй» захирал хэлээд, ажабайдалайнь үргэн замай арюуханиие, асари ехэ амжалта, арад зондоо аша туһатай ябахыень хүсөө.
