Улас түрын «Бэлиг» түбэй захирал Баир Балданов Баргажанай аймагай буряад һургуулинуудай хүтэлбэрилэгшэдтэй хамта Буряадай гүрэнэй радиогой «Сэхэ руунь хэлсэе» гэһэн шууд-дамжуулгада хабаадаа.
Габшагай һарын урдахана гасаланда орон алдаһан, олоной һанаа зобооһон асуудал Баргажанай аймагта зүбөөр шиидхэхын тула нилээн олон зон оролсоо бшуу.
Баргажанай аймагай Болбосоролой хүтэлбэриин даргын орлогшо Юрий Найданов, Хилганын һургуулиин захирал Елена Бадмаева, Лугшахаанай һургуулиин захиралай орлогшо Маргарита Ринчинова гэгшэд нютагайнгаа оршон байдал тухай, эрдэмэй гуламтануудта эхэ хэлэн хэр үзэгдэһэн, заагдаһан тухай тобшохоноор хөөрөө.
Үндэһэн хэлэнэйнгээ үүлэндэ халхалагдан алдаад байгаа шахуу оршониие яажа үргэдхэхэ тухай, ургажа ябаа улаан бургааһадые хайшан гэжэ хэлэндэнь дадхаахаб гэхэ мэтын хурсаханшье, удхатайшье асуудалнуудые «Бэлиг» түбэй захиралай урда дүршэл ехэтэй сэдхүүлшэн Дашадондог Амоголонов табяа. Тэдэндэнь тодо, дэлгэрэнгы харюунууд үгтөө гээд олон шагнагшад сэгнэһэн байгаа һэн.
