Улас түрын «Бэлиг» түбэй захирал, Бүгэдэ буряадай үндэһэн соёлой эблэлэй нэгэдэхи дид-юрэнхылэгшэ Баир Балданов мүнөөдэр ниитын энэ хүдэлөөнэй зүблэлэй президиумэй суглаа үнгэргэбэ.
- ВАРК-ын юрэнхылэгшэ Чимит Валерьевич Бальжинимаев хүндэтэ шалтагаанаар өөрөө энэ суглаа үнгэргэхэ аргагүй байжа, намда даалгаа. Шэнэ жэлэй эхиндэ зүбшэхэ зүйл – ниитын хүдэлөөнэймнай шагналнууд тухай асуудал байна, — гээд Баир Балданов суглаанай эхиндэ хэлээ.
ВАРК-ын шагналнууд тухай шэнэ дүрим гүйсэдхэхы хороон бэлдэһэн байжа, президиумэй үзэмжэдэ тэрэ табигдаа. Мүн тиихэдэ хэдэн эдэбхитэдэй арадтаа туһатай ажалыень сэгнэжэ, шагнал барюулха тухай дурадхалтай хандалганууд ороһон байгаа.
Эдэ асуудалнууд зүблөөндэ харагдажа, зарим тэды дурадхалнууд ороо, шиидхэбэринүүд абтаа. Саашадаа энэ сэдэбээр мүн лэ саг үргэлжын зүбшэн хэлсэлгэнүүд боложо байха юм.
