Улас түрын «Бэлиг» түбэй захирал, Бүгэдэ буряадай үндэһэн соёлой эблэлэй нэгэдэхи дид-юрэнхылэгшэ Баир Балданов ВАРК-ын президиумэй ээлжээтэ зүблөөндэ мүнөөдэр хабаадаба.
Арба гаран шууд асуудалаар зүбшэн хэлсэлгэ үнгэргэгдэһэн байна. Эблэлэй шагналнууд тухай, алдарта багшые Ажалай Баатарай хүндэтэ нэрэ зэргэдэ дэбжүүлхэ тухай, урда жэлдэ бүтээһэн ажал тухай тоосоо уласай толгойлогшын дэргэдэхи буряад хэлэнэй талаар комиссиин үзэмжэдэ гаргаха тухай болон бусад асуудалнуудаар хөөрэлдөөн болоо.
Бүгэдэ буряадай үндэһэн соёлой эблэлэй ажаябуулга һүүлэй үедэ улам эршэдэнэ. Дары түргэн шиидхэхэ асуудалнууд үдэр бүри олон болоһоор. Тиимэһээ ниитын эмхиин гүйсэдхэхы хороон өөр дээрэ харюусалга абажа, олон асуудалнуудые шиидхэхэ аргатай. Теэд хуулита эрхэнь багадана. Энэ ушараар ВАРК-ын ээлжээтэ бэшэ ехэ хурал зарлагдажа, дүримдэнь хубилалтанууд оруулагдаха ёһотой. Тус ажал эхилхэ тухай шиидхэбэри абтаба. Ерэхэ һарада Зүблэлэй суглаан үнгэргэгдэжэ, ехэ хуралай үдэр тодорхойлогдон гаргагдаха юм.
Зүбшэн хэлсэлгэдэ Баир Балданов хабаадалсажа, хэдэн асуудалаар һанамжа, дурадхалнуудаа элирхэйлээ.
