Байгша оной майн 14-дэ буряад хэлэнэй болон уран зохёолой багшанарай нютаг можонууд хоорондын III ехэ хурал үнгэргэгдэхэ.
Тус хэмжээ ябуулгада бэлдэхэ талаар эмхидхэлэй хорооной түрүүшын зүблөөн Болбосоролой болон эрдэм ухаанай яаманда сайд Валерий Поздняковой ударидалга доро Улас түрын «Бэлиг» түбэй үүсхэлээр үсэгэлдэр боложо үнгэрөө.
Сугларагшадта хандахадаа, нэн түрүүн багшанарай ехэ хуралдаанай зорилгонууд дээрэ сайд тогтожо, удха ехэтэй энэ хэмжээ ябуулгын шэглэлнүүд тухай тодорхойлон хэлээ.
Эрхүү можын болон Үбэр Байгалай хизаарай түлөөлэгшэд эмхидхэлэй хорооной бүридэлдэ ороно. Тэдэнэр онлайн аргаар суглаанда хабаадажа, hанамжаяа хубаалдаа, эмхидхэлэй талаар асуудалнуудые табиhан байна.
Буряад хэлэнэй болон уран зохёолой багшанарай можонууд хоорондохи II ехэ хурал 2023 ондо үнгэргэгдөө hэн гээд hануулая.
