Буряадай гүрэнэй телевидениин заншалта «Багшын булан» дамжуулгада «Бэлиг» түбэй захирал Баир Балданов хабаадаба.
Буряад Уластамнай жэл бүри соносхогдоод, үргэн дэлисэтэйгээр үнгэргэгдэдэг Буряад хэлэнэй габшагай һарын хэмжээ ябуулганууд тухай сэдхүүлшэн Гүнсэма Тудуповатай Баир Балданов хөөрэлдэһэн байна.
Мүн тиихэдэ һая боложо үнгэрһэн буряад хэлэнэй комиссиин зүблөөн дээрэ Буряад Уласай Толгойлогшо Алексей Цыденовэй абаһан шиидхэбэринүүд тухай асуудалнуудта тодорхой харюунуудые үгөө.
Мүнөөнэй сагай эрилтээр, сахим юртэмсэдэ түрэл хэлэеэ дэлгэрүүлхэ талаар ажал дэмжэжэ, гүрэн түрын хэмжээнэй «Яндекс» порталай «Оршуулагша» гэһэн хэсэгтэ буряад хэлэ нэбтэрүүлгэдэ Буряад Уласай Толгойлогшо мүнгэ һомолоод, 100 мянган мэдүүлэл ород хэлэнһээ буряадшалагдажа байна гээд Баир Балданов мэдээсээ.
— Дүн хамта 1 сая мэдүүлэл буряадшалжа, Яндексда дамжуулаад, хэмэл ухаае түрэл хэлэндээ һургаха түсэбтэйбди,- гээд «Бэлигэй» захирал тэмдэглээ.
