Буряадай улас түрын багшанарай колледжын анхан байгуулагдаһаар 100 жэлэй ойдо зорюулагдаһан баярай хэмжээ ябуулгада «Бэлиг» түбэй захирал Баир Балданов хабаадаба.
Мэргэжэлтэ болбосоролой эмхи зургаанай багшанарые болон бүхы ажалшадыень ойн баяраар амаршалхадаа, хамта ябуулжа байгаа амжалта түгэс ажалаа дурдаа, саашадаашье бүри ехэ нягта холбоотойгоор харилсаха байһанаа Баир Балданов мэдүүлээ.
Илангаяа үндэһэн хэлэеэ сахин хүгжөөхэ талаар горитой ехэ жал бүтээнэбди, хамтын олон түсэл бэелүүлнэбди. Танай оролдолгоор ехэ юумэн бүтэжэ, эрхим һайн үрэ дүнгүүд туйлагдана, — гээд «Бэлигэй» дарга найрай тайзан дээрэһээ үгэ хэлэхэдээ тэмдэглээ.
Колледжын захирал, улас түрын габьяата багша, һурган хүмүүжүүлгын эрдэмэй дид-доктор Соёлма Нимбуевада сэнхир хадаг, сэнтэй номуудай суглуулбари Баир Балданов барюулһан байна.
