Хэжэнгын аймагай анхан байгуулагдаһаар 85 жэлэй ойдо зорюулагдаhан баяр ёһололой үедэ Бүгэдэ буряадай үндэhэн соёлой эблэлэй нэгэдэхи дид-юрэнхылэгшэ Баир Балданов «Буряад арадай үмэнэ аша габьяатай байһанай түлөө»медальнуудые барюулаа.
Нютаг можонууд хоорондын ниитын хүдэлөөнэй энэ шагналда аймагай хүндэтэ ажаһуугшад хүртөө гэбэл:
🔹Гунзынова Доржо-Ханда Дамбиевна, ОросойХолбоото Уласая гэгээрэлэй эрхим ажалтан ба габьяата багша, Буряад Уласай Засагай газарай П. Р. Атутовай нэрэмжэтэ шанда хүртэгшэ, 20 гаран жэлэй туршада В.С. Мункинай нэрэмжэтэ Хэжэнгын лицей хүтэлбэрилһэн захирал;
🔹Базаров Александр Нинодович, тоглолто зохёон ударидадаг багша, «Одон» гэhэн аймагай соёлой байшанай хоор ударидагша, Буряад Уласай соёлой габьяата хүдэлмэрилэгшэ, һанал нэгэтэнтэеэ хамта суута «Үетэн»бүлгэм зохёон байгуулгын эхи табигша;
🔹Доржиева Дашама Дугаровна, Х. Н. Намсараевай нэрэмжэтэ Хэжэнгын дунда һургуулиин буряад хэлэнэй ба уран зохёолой багша, 5-дахи ангида үзэхэ буряад уран зохёолоор hуралсалай ном зохёогшодой нэгэн, Оросой Холбоото Уласай Сэдхүүлшэдэй холбооной гэшүүн, Бато Базароной нэрэмжэтэ аймагай уран зохёолшодой нэгэдэлэй хүтэлбэрилэгшэ;
🔹Санжимитыпова Наталья Дамбаевна, Хэжэнгын түблэмэл номой сангай байгуулга хангалгын таһагые даагша, Хэжэнгын аймагай соёлой 2024 оной эрхим хүдэлмэрилэгшэ, «Номой сан» ТОС-ой хүтэлбэрилэгшэ.
— Улас түрынгөө, түрэл хэлэнэйнгээ, үндэhэн соёлойнгоо хүгжэлтэдэ горитой хубитаяа оруулhан нютагаархидайнгаа аша габьяа хүндэлэн тэмдэглэхэ гээшэ — Бүгэдэ буряадай үндэhэн соёлой эблэлэй нэгэ үүргэнь болоно. Шагналда хүртэгшэдөө үнэн зүрхэнhөө амаршалнабди, — гээд Баир Балданов тэмдэглээ.
