Хотын захиргаанай мүрысөөндэ илагшадта шангуудые барюулалсаа

Хотын захиргаанай мүрысөөндэ илагшадта шангуудые барюулалсаа

Ниислэл хото тухай сэдхүүлшэдэй ажалнуудай мүрысөөндэ илагшадта шангуудые барюулгын баяр ёһололдо Улас түрын «Бэлиг» түбэй захирал Баир Балданов үсэгэлдэр хабаадаба.

Үнгэрһэн жэл энэ мүрысөөн хэдэн шэглэлээр сонхосхогдожо, олондо мэдээсэл тараадаг эмхиндһээ, сэдхүүлшэдһээ 90 гаран ажал ороһон юм.

Буряадаар бэшэгдэһэн, найруулагдаһан тунхаглалга, дамжуулганууд амяараа номинаци анха түрүүшынхиеэ соносхогдоо.

«Бэлигэй» захирал шүүгшэдэй тоодо орожо, сэдхүүлшэдэй ажалнуудые сэгнэһэн байгаа.

Шангуудые барюулгын баяр ёһололдо үгэ хэлэхэдээ, мэргэжэлтэ баяраарнь

— Оросой хэблэлэй үдэрөөр  сэдхүүлшэдые амаршалха зуураа, Баир Балданов иигэжэ тэмдэглээ: — Мүнөөнэй сагта буряад хэлэнэй түлөө бидэнэр лэ харюусалгатайбди. Гуурһа нэгэтэн, энээнэй талаар танай ябуулжа байһан ажал айхабтар ехэ удха шанартай. Нислэл хотымнай хүтэлбэриин һүүлэй хэдэн жэлдэ энэ асуудалда анхаралаа хандуулжа, иимэ түсэлнүүдые бүтээжэ байһаниинь тон һайшаалтай.

Опубликовал(а)ГБУ РЦ Бэлиг
ГБУ РЦ «Бэлиг»
Издательство
У вас есть вопрос?
Связаться